دخيلك تمسح دموعك ترى هالدمع يشقيني

[الواثقة]

ليش الدمـع يا قـلبي ترى دمعـك عَلَي غالـي

أنـا مـالي بهَالدنيــا سِــواك أحــدٍ يواسينـي

دخيلك حتى لُو صاحَت جروحك ترفـُق بـحالي

أخــاف صياحَـها يـحـي جـروحٍ مَـيِّتـَه فينـي

صِعيبـه و الله هالدنيـا على مثلك و أمثالـي

صغـارٍ عَالحِـزن لكن أبَت تسـتوعِـب سنينـي

سِقَتني الـمُر في عُـمرٍ شرَب بَه غيري الحالـي

و كِل ما صِحت يادِنيا ذِبَحني الـمُر..تسقيني

وحيد عِشت اْنادي الفَرح لِجروحي و لا جالي

رَحَلت بـكِل صُـوب و ما لقـيت إللي يداوينـي

و تراها ما غـدَت تَفْرِق مَـعِي لُو طـال تِـرحالـي

أنا أصلاً سِكَنـت الجَـرح و ضاعت بَه عَناوينـي

عَشقْت الحزن مُو برضاي.. عيَّـا الوقت يصفالي

و يوم إنه رِجَـف دَمعي ذِبَحـتـَه في وَسَطْ عينـي

لَك الله أيش يفـيد الدَّمع و لُو هُو سِيل مِتوالي

دخيلك تمسـح دموعَـك ترى هالدمع يشقـيني

مِـصير جروحِنا تذبــَــل قِـصَر هالعُمر أو طالـي

و إذا جرحـك أبَـى يبـرى بَضمِّـده بشـراينــي

[الصافي]

الواثقه..
صح لسانك ويسلمك ربي قصيده روعه
بانتظار جديدك.....

[شموخ وايليه]

دخيلك حتى لُو صاحَت جروحك ترفـُق بـحالي

أخــاف صياحَـها يـحـي جـروحٍ مَـيِّتـَه فينـي

صِعيبـه و الله هالدنيـا على مثلك و أمثالـي

صغـارٍ عَالحِـزن لكن أبَت تسـتوعِـب سنينـي


هالله هالله

صح لسانج يالـ غ ــلا ..
قصيده رائعه كـ روعه ناقلتهـا ..
تقبلـي مروري محملا بباقة من الورد *_^

شــ م ـــووخ وايليـــه ..