شعر طلال الرشيد يرحمه الله

[أدوبي]

لــــ ( طلال الرشيد ) .... رحمه الله !!
اتمنى ان تحوز على استحسانكـــم
ماقلــت أحـبك ولا قلـت ما أحـبك
أحب مالـي عيـونـي وإنت تسواهـا
لوتـدري إش كثر تعني لي تعرف إنك
آخر أمـل فـي حياتـي واول منـاها
ياكثر أحس إن بـك منـي وبي منـك
روح قسمها على جسميـن مولاهــا
لاتـقول شتحب فيني أعشقـك كـلك
من ليل شعرك لشمسك وآخر أقصـاهـا
سميـتني نصفك الثانـي وانـا خـلك
وانـا بـسميــك كـلي وإنت معناهـا
تعبــت أوديـك ياقـلــب ويـردك
لاخـذ حـلومـي ولاخـلاني أنسـاهـا
كل الحـمام إستـراح ونـاح في ظـلك
والورد الأصـفر سقتـه الروح من ماهـا
لـيتك بعيني ثلاث أشخاص او كنـك
واحـد بجنـبي وواحد روحـي يملاهـا
والثالـث بجفن عينـي لافقـد حـسك
أو غمض الجفـن جانـي فيـك يتباهـا
موبـس أحــبك أنـا والله من حبـك
أحب حتـى ثـرى الارض اللـي تاطاهـا
[فقط الأعضاء المسجلين والمفعلين يمكنهم رؤية الروابط] f

[مجازف]

[فقط الأعضاء المسجلين والمفعلين يمكنهم رؤية الروابط]
لـيتك بعيني ثلاث أشخاص او كنـك
واحـد بجنـبي وواحد روحـي يملاهـا
والثالـث بجفن عينـي لافقـد حـسك
أو غمض الجفـن جانـي فيـك يتباهـا
موبـس أحــبك أنـا والله من حبـك
أحب حتـى ثـرى الارض اللـي تاطاهـا
سلامت لنا ادوبي وسلامت على هذا النقل الرائع
تحياتي

[PATRIOT]

موبـس أحــبك أنـا والله من حبـك.................................. أحب حتـى ثـرى الارض اللـي تاطاهـا


الله يعطيك العافيه على النقل الرائع

[أدوبي]

مجازف
PATRIOT
كل الشكر لتواجدكم المخلص واللطيف

[سديم]

سميـتني نصفك الثانـي وانـا خـلك
وانـا بـسميــك كـلي وإنت معناهـا



رحم الله طلال



قصيده ولااروع


تسلم الانامل اللي جابتها

[أدوبي]

وتسلم أنامل مشاهدها

[كنترول]

أبيات رائعه للشاعر الراحل ( أبونواف )

يعطيك العافيه أدوبي على الأختيار الجميل

تحياتي

[أدوبي]

تسلم كنترول
ومرورك شرف عظيم ... لنا
تحياتي ...

[دلوعة الشرقيه]

لاتـقول شتحب فيني أعشقـك كـلك
من ليل شعرك لشمسك وآخر أقصـاهـا
سميـتني نصفك الثانـي وانـا خـلك
وانـا بـسميــك كـلي وإنت معناهـا


كلمات في غايه الروعه.. سطرها الراحلــ طلالــ الرشيد ..

رحمه الله عليه ..

يعطيك العافيه ع الاختيار الرائع ..

تسلمــ اناملك..

شوق

[أدوبي]

دلوعة الشرقية
شرفاً لنا أن نرى مرورك النبيل بين صفحاتنا
تسلمي ... بقلب مبتسمــــ

[نـــــــوف]

..............يآصــغـيـّرٍ مـآيـكـبـرٍنـي لـقـب...................
يا صغيّـــــــــــر ما يكبرني لقب
وما يصغرني إذا انكرني صغير
ما خذينا الصيت من جمع الذهب
ولا نســـابة شيخ او قربة وزير
كاسبينه من هل السيف الحدب
الجنايز كـــــــان ما جاك النذير
صيتهم نجم ٍ على رأســـــه لهب
سمعوا الصقهان به واجهر ضرير
بالوفا تاريخ أبيــــــض ينتصب
لا حكوا بالحق حييـــــن الضمير
ضيغمين للســــــناعيس انتسب
لابةٍ طلنا بها عرش كبيـــــــــر
عند حدك يا كثيــــر الهرج تب
لا تمــــــــر النار وثيابك حرير
كان لـــــــــــك عز بذلي فتعقب
والله ألا تبطي وحبلك قصيــــر
احســــــبنك من صناديد العرب
واثر ســــاترتك عباتك ياغرير
ما حسب للسوس زراع القصب
والقراده ما درى عنها البعيــــــر
ولو حســــــبنا للحسايف والتعب
ما بذرنا يا العصــــــافير الشعير
عن هللك ابراي لله واحتســــــب
الرجال اللي مجاراهم عســــــــير
من قريش المصطفى وابو لهــــب
والدغالب ما غشت عذب الغديــــر
للرجال من الرجاجيــــــــل العتب
والزكاة تحل في حــــــــــال الفقير
لعنبو وقتٍ غدينابه حطـــــــــب
تحرقه نار يثورها اجيــــــــــــر
ما ألومك والزمن سوى العجب
هو بقى غير الكرامه بالجفيـــر
ما أذل وراسي يشـــــــم المهب
لو بقى من شـــــمر طفلٍ غرير
ما اهاب ولا يزلزلني غضب
الشجاعه ورث العاقل عزيــــر
يا صغير ما يكبّر باللقلـــــــــــــب
غير من هو كان من دونه صغير

[نـــــــوف]

طلال الرشيد
----------------------------------------
الــعـــــــــــــــواذل حــــــــــــبيبتي كل العواذل تشابه ..... قلبٍ ظلام ووجـــه يشبه للأصحاب
ولا ما غدى لك صاحبٍ ينحكى به ..... لا تسمعي أن كان لك قلب وأحباب
إلى مشيت الدرب يلهث سرابـــــــــــــه ..... وإلى سكنت الدار ناداني الباب
وشلون أنام وهم قلبي صوابـــــــــــــه ..... والشوك ينبت بين جفنين وأهداب
تعبت امني .. الأسئلة بالاجابــــة ..... وانطر شروق الشمس والشمس بغياب
وتعبت أناظر والمعنى عذابــــــــــــــــــه ..... أنك بعيده والملا دونك حجاب
اجمع كلام وما أعرف الإجابـــــــــــــه ..... وعندي شعور صدق والوقت كذاب
كل النجوم اللي امطرت من سحابــــــــــه ..... حبيبتي دمعك جرح قلب واتراب
واللي وقف ما بين بابي وبابـــــــــــــه ..... قلبٍ ظلام .. ولابس ثوب الأصحاب

[أدوبي]

نوف شكرأ لإضافتكم الرائعة
لاهنتي يالغاليه
دمتي بسلامه ....

[نـــــــوف]

مكانك مكانك
أمـوت مـن فرقاك .. و أموت بلقاك
وأموت من جورك .. و أموت بحنانك
كـلٍ قـضاه يـموت مرّه .. و يفداك
و أنـا أمـوت ألـفين مرّه .. عشانك
أذكـرك.. لا مـني نسيت إني نسيتك
أنـساك .. لامـني ذكـرت نـسيانك
رضـيت أنـا بالهم لرضاك مرضاك
و ارخصت لك قلبٍ جرحته .. وصانك
أجـيك في صدري عتاب .. و أبجفاك
و أرجـع ألـوم الوقت و أقول خانك
أحـب فـيك .. احساسي إني بلاماك
فـي عـز خـوفي منك أحس بأمانك
عـجزت أفـرق بين وصلك و فرقاك
يـاللي عـطيت الـناس بيدك عنانك
مـر تـجيني لـين أقـول إنـي إياك
و مـر تـروح بـعيد و انسى أوانك
أقـبل و تقفي .. و اعتذر عن خطاياك
و أقـول مـا عـييت .. عـيا زمانك
و إن خـانتك دنياك .. أو خنت دنياك
إرجـع و تـلقابي .. مـكانك.. مكانك
رحمك الله يا طلال الرشيد

[نـــــــوف]

علمتني
علمتني وشلون احب
علمني كيف انسى
يابحر ضايع فيه .. الشط والمرسى
علمتني وشلون احن
علمني كيف اقسى
سير علي .. بس امسح دموعي وروح
سير علي .. جب لي معك قلب وروح
سير علي .. اذا تذكرت الجروح
ياطاغي النظرة .. خطا
تجزى بهالبخل العطا
وانا اللي اهديتك أمن.. عين وجفن
هذي فراش وذا غطا
ياجرح من وين ابتدي
وانت معي من مولدي
وعيت يدي .. على وداعك تهتدي
بس انت علمني الجفا
دامني عجزت اعلمك .. كيف الوفا
علمتني كيف السهر .. ونسيتني الممسى
علمتني وشلون احب
علمني كيف انسى

[نـــــــوف]

اخرحـــــــــــــــــــــــب
كنت احسب اني عرفت الحب قبل اعرفك
وعشقت قبل اعشقك واشتقت قبل التقيك
وكنت احسب انيرلقيت احباب قبل اوصلك
واثري توهمت في غيرك وانا كنت ابيك
تعال نعطش وتشربني وانا اشربك
تعال قبل الوعد اجلس معي نحتريك
تعال شفني وانا استناك ك اشبهك
يطري علي الف راي و راي واحتارفيك
اجي مكان الوعد والا اسبقه انطرك
والا آخذ الموعد اللي يحتريك واجيك
يا آخر الحب ذقت الحب في اولك
ويا اول الشوق اقصى الشوق ما ينتهيك
علمتني كيف اعرفك لين صرت اجهلك
ضيعتني في متاهاتك وكنت ارتجيك
حبيب الاحلام يابعدك ويامقربك
حرام يكفي تبعثرني وانا احتويك
ان شفتك بحلم صدقته وانا اتوهمك
وان شفتك بعلم كذبته الين انتشيك
اخاف اغمض عيوني وان رمشت افقدك
واخاف افتح وتصبح حلم ولا التقيك

[نـــــــوف]

ذكرى الفراق
اليوم ذكرى الفراق ومرت أول سنه
اليوم لي عام متغرب وحيد وحزيـن
اليوم أنا ضيف جرحي جيت باطمنه
إني جمعت الدموع وجبت أمانة أمين
ما يجرح الصادق إلا غدر مين يامنه
لاحت من احباب قلبك لا نلوم السنين
مليت من هالاماني دام مهي ممكنـه
لاهي تحقق ولا ياسي بوجهي يبيـن
لو ين أنا وأنت مثل الشمس والأزمنه
مع كل صبح يجدد في لشمسك حنين
لا قلت أحبك أحبـك كنهـا دندنـه
أو كنها وردة ما بين أصابع جنيـن
يا اجمل الناس لك بين الملا هيمنـه
كثير غيرك ولكن مين مثلك ووين؟
يا عاذلي خذ عيوني يمكـن تثمنـه
تشوف عيبه وانا اشوفه ملاك حسين
امس افترقنا وأنا أحسـب أول سنـه
يا طولها ليلة الفرقة سنـه للحزيـن

[نـــــــوف]

لحن البدو
حنا ولا من قلت حنا تحنا
كل الكلام بعطر تاريخ الاجداد
المجد هم وهام فينا وغنا
حتى علينا من على روس الاشهاد
يا كبر حظ الي نخانا و ثنا
نشد له فوق الفخر سرج وشداد
ان هلل التاريخ غطرف وطنا
وان سولفو عنا رجاجيل واجواد
وان بان لك شمس ترى ذيك حنا
نشرق مدام الظلم ظلما وحساد
يا بنت يمي كان رمشك تمنا
اشق لك ثوب السماء جود وعناد
واشدلك زملً جفن المعنا
واسري بوجهك لاغشى وجهي سهاد
يا حلو قدك يوم قدك تفنا
محدا تغنى فيك من خوف الالحاد
حنا البدو يابنت هذا لحنا
نحب اكثر لاغدى حبك جهاد
وحنا البدو يا بنت لامن نخنا
بناتنا يثالث العيد الاعياد
وحنا البدو يابنت وان قلت حنا
فاح الكلام بعطر تاريخ الاجداد

[نـــــــوف]

القصيدة التي أثارت بنات الخليج ورد الأمير طلال العبدالعزيز الرشيد -------------------------------------
هذه القصيده قالها احد الخليجين بعد قدومه من المغرب
ياللي تنشد عن علوم الـذي طـاف
كـل البحوروكـل دولـه وديــره
خذمن علومي علم أوصافه أوصاف
جزل سميـن يشتعـل لـه سعيـده
الزين عقـب المغربيـات ينعـاف
غيد لهـن بالزيـن ذكـره وسيـره
فيهن حلا طاغي وليـن وتعطـاف
وفيهن حنان يشعـل القلـب غيـره
حلوات وصف وفاهمات بالاعراف
زينات منطـق صافيـات السريـره
بنات قوم طيبهم غصـب ينشـاف
أولاد مغـرب بالليـال العسـيـره
ياللي تنشد عن علومي بالانصـاف
هرجي يكفي صاملـه عـن كثيـره
الزين في لمياء وتغريـد والطـاف
ماهوب في حصه وكشـره ومنيـره
وهذا رد للمرحوم طلال الرشيد ((الملتاع)) ..رحمه الله وجعله في الفردوس الاعلى
يابن الحلال ان طعتني خل الاسراف
واترك جمال الغيـد لاهـل البصيـره
الزين موبس في الملامح والاوصاف
الزيـن روح وعفـه وطيـب سيـره
مانيب من يهـوى سريـا وانصـاف
أنـا هـواي وبـس بنـت الجزيـره
بنت الخليج اللي تمـاري بالاعـراف
وحنـا نمـاري باسمهـا كـل ديـره
مالي غرام بقـول وخـا وبالـزاف
اذبحتنـي عنـد الطرحـه المستديـره
أحب قولة ياهـلا وعـل وماخـلاف
من بنت ثوبي بنـت الارض النضيـره
اللي تحلاها الضبـي حلوالاطـراف
جمـال فـي عفـه ورقـه وغـيـره
والـلـي بهاسحرمهوسحـرعـراف
ياعـل عـيـن ماتـراهـا ضـريـره
عطف وحنان وذوق في لين الاعطاف
والى كشفـت لثامهـا شفـت أميـره
صعب على اللي بالردى شاف ماعاف
وحلوه على اللـي سنـه الله ضميـره
شمس الى من اشرقت والدجا طـاف
غابت نجومك غصـب لوهـي كثيـره
السيف مايزهى سوى كـف سيـاف
والخيـل دون حصانهـا مستخـيـره
بس أنت دور لك على قـدك لحـاف
وان طعتـنـي دوربدلـنـا عشـيـره

[أدوبي]

أختي الغاليه نوف
تسلم يمينك على هذه الأبيات الرائعة للراحل طلال الرشيد
يعطيك العافيه
وياهلا .....