اهدي بيت شعر للي بعدك ؟؟

[الصافي]

بكل اختصار
انك تكتب بيت او بيتين تهديها للي يجي بعدك
وموشرط انت تنظمها حتى لو من اغنية اهم شي انها ابيات شعر
لك والا لغيرك اتمنى المشاركة من الجميـــــــــــــــــــــــــع
واللي بيكت من ابياتة هو نفسة يكون احلى وارق واعذب
وانا ببــــــــــــــــــــــــــــــــــــدأ باولها
لي فؤاد إذا طال العذاب بــــــــــــــــــه .. هـام اشــتـيـاقـاً إلـى لـقـيـا مـعـذبـــــــــــــه
ما عالج الناس مثل الحب من سقـــــــــم .. و لا بـرى مـثـلـه عـظـمــا ًو لا جــســـــــداً.

[جقلة]

انا ابدا
القريب من بعيد
والبعيد عنك قريب
كل دا وقلبي الي حبك لسه بيسميك حبيبي

للي بعدي

[دلوعة الشرقيه]

قـالهـا الي رحـل
بهـالزمن احـذر ثلاث
* انـك تـامن قريـب .
* وانـك تصـدق حبيـب .
* وانـك تعاتب بعيـد .
وهـذا كل الـي حصـل ..!!

[مجازف]

طال انتظاري والوله يحرق الجوف
والصبر ما يطفي من البعد ناري

اكتم شعور الشوق واصارع الخوف
وفي داخلي نهر من الهم جااري

اضحك ولحن الحزن بالصدر معزوف
ودمعي حبسته لا بيبين انهياري

للي بعده

[نـــــــوف]

ذي القصيده طبعن لحامد زيد بس ذي القصيده غير عن القصايد اللي كتبتها قبل لان اللي كتبتها كلها للحبيبه ..بس ذي تتكلم عن الاصحاب خصوصن اذا كانو متكاتفين وفجأه بسبب غرض دنيوي يقلبو على اصحابهم جد شي يقهر لمن تشوف أصحاب كانوا زي الظفر اللي مايفارق اللحم وفجأه تشوفنهم كل واحد يبي يرمي سهم للثاني ..
ياكثر مارافقت خلان وأحباب
وياكثر مافي شدتي هملوني
على كثر ماعدهم ستر وحجاب
على كثر مااحتجتهم وتركوني
من صارت الخوة ثمن حفنة تراب
نفس الوجيه اللي نصوني نسوني
من غير ذكر عروق وفروق وانساب
كانوا ثلاثة والثلاثة جفوني
علمتهم وشلون الأهداف تنصاب
ولما سوعدهم قوت صوبوني
عشاني أصغرهم عمر صاروا أحزاب
عشاني أصدقهم قصيد اضلموني
اللي نجاح اسمي زرع فيهم أنياب
حتى النصيحه مابغوا ينصحوني
دام العطايا عندهم دين وأتعاب
والله و اطلب ذنبهم ماعطوني
طالب نصيحه كني مطالب رقاب
وهي نصيحه كيف لو زوجوني
كنت اكتب لنفسي مشاريه وعتاب
ولا ادري إن اللي قروني قروني
تضاربت من دوني عقول وأرباب
واجد بغوا غيري وواجد بغوني
اقفى الهدب تسهر على شعري أهداب
كني حبست رقادهم في جفوني
لو شفتهم واحد يشوفوني أسراب
من وين مالدوا نظرهم لقوني
ادري وجودي بينهم محرق أعصاب
ومزعل بعضهم من بعض لو طروني
ياكبري بعيني واناتوني شاب
واهم كتاب الشعر حاربوني
حتى ولو يهوي على نجمي شهاب
يكفيني إن اسمي كبير بعيوني
قد قال أبوي إن هبتهم قول ماهاب
لو يقدرونك قول ماتقدروني
ومدام قبري محتضن راس مرقاب
على كثر ما تقدرون ادفنوني
لو ماني بذيب نهشت عظمي ذياب
لو ماقدر ت اثبت وجودي لغوني
لو ماسكنت وجيهم مت بغياب
لو ماعرفت امحي ورقهم محوني
ماجيت أدبل كبدهم شعر وخطاب
لين ادبلو كبد الذ ي خلفوني
ياويل وجهي كن للدمع مخلاب
ماجف ماه ومااستح من طعوني
كل ماطرالي منظر مريب وارتاب
كان الوحيداللي يحرك شجوني
قبلة صلاة وخشوع وكتاب
وأمي على سجادة النور دوني
تدعي لي الله يفتح بوجهي أبواب
تتوسله بالشده يكون عوني
من كثر ماخفقها بالدعا ذاب
صارت تحس ازملاي اكرهوني
بشرتها يمه معي ربع وأصحاب
مااني لحالي واجد اللي يبوني
من يوم حاز قلمي كل الالقاب
قلدهم في دفتري واحفظوني
الله وهب نيهم بني عم واجناب
من يوم جيت أعجبتهم وأعجبوني
وإعجابهم فيني ماهو بأية إعجاب
بأسلوبي بشرحي بطرحي بلوني
لو قلت عن نفسي بشر صرت كذاب
لو قلت دمي من ذهب صدقوني
لو بيدهم كان ازرعو دربي أعشاب
لو يفهم بتشبهون أشبهوني
من كثر ماصاروا من طبعوي قراب
حتى بلبسه شمغهم قلدوني
واجد دعوني واغلقوا دوني الباب
وكثأر ناس ابكي لهم مابكوني
لو طالوا لهدمي مناسيب واطلاب
كانوا غلاتج من زمان اهدموني
مدام حطوا فيني عيوب وأسباب
جنبت عنهم مثل ماجنبوني
أصلا لو إن بخوتي شي ينعاب
ذبحت نفسي قبل لايذبحوني
أنا يدي لو ماكست متني ثياب
نذر على اقطع يدي من متوني
مو عيب أجي مدعي ولااشوف ترحاب
العيب لو أني رجعت إن دعوني
مادمت أجي ولا يحسبون لي حساب
حرمت أروح إذ ببوني يجوني