ذهــــــــــــــو ل طلال السعيد

[عقد الماس]

ذهــو ل
ياللي زعلت ازعل ولاني مراضيك ... اشرب كدر ماي البحر كانه أرضاك

لا تحسب إني عقب صدك بداريك ... بعز نفسي عنك ما أدراك ما أدراك

أربع سنين وأنا متحمل تغليـــك ... راضي بتعذيبك لجل قلب أغـلاك

وخليتني واليوم والله لخليــــك ... وأدوس قلبي لينة يقول خـــلاك

قبل توريني الحساير بوريـــك ... ليما يقال فلان هانــك ..ووراك

كانك تحداني فنا اقبل تحديــــك ... وأنسى الغرام اللي مضى و أتحداك

ماني بقايلك عسى الله يهينـــك ... الله يحرمك كل ماكان هنـــاك

عسى العمى ياخاين العهد يعميك ... فوق الغرور اللي عن الماضي أعماك

وعساك ما تسمع قريب يناديـك ...حيثك تجاهل صوت محروم ناداك

وعسى الشلل يعوق رجل تمشيـك ... لينك تندم ليش غيرت ممشــاك

وعسى حيا تك بس فرحة لشانيـك ... يلقى بها فرصة عدوك و يشنــاك

وعسى الليالي اللي تجيني بطاريك ... يصبح عليها الصبح وتموت طـرياك

وعسى المنام وكل راحة تجافيـك ... آمين حتى اللي تمناه يجفــــاك

وعساك ما تفرح وتكثر بلاويــك ... وأمك تشق الجيب من عظم بلــواك

الله يكره فيك حتى دوانيــــك ... غشاش خاين ما من الناس دانــاك

ولا مت جعلك في جهنم تصاليـك ... امسك ويومك عنهم الغد يجــزاك

هذي النهاية روح والله يجازيــك ... نار الجحيم ونار دنياك تصـــلاك

طلال السعيد

[الصافي]

قصيده حلوه ورائعه بنفس الوقت

مشكوره منار ................

[فاقد الحنان]

قصيدة رائعه

صح السانك

والله يعطيك العافية

[عقد الماس]

أشكركم علي مروركم موضعي يتألق بكم جزأكم الله خير الجزاء أتمني لكم
دوام العطاء والاستفادة من الفصول الأربعة

الصافي - فاقد الحنان

[في زماني]

منااااااااااار صح لسان شاعررها

وسلمت يمين ناقلها


تقبلي مروري

[عقد الماس]

أشكركم علي مروركم موضعي يتألق بكم جزأكم الله خير الجزاء أتمني لكم
دوام العطاء والاستفادة من الفصول الأربعة
مرورك يزيد الموضوعي تألق أخي في زماني

[أدوبي]

منار
رائعــــــــــــــــــــــــــــــه
كروعة إختيارك
يسلمووو

[عقد الماس]

أشكركم علي مروركم موضعي يتألق بكم جزأكم الله خير الجزاء أتمني لكم
دوام العطاء والاستفادة من الفصول الأربعة

أدوبي