ما سفهت من العقول إلا الخلي !!

[ابو غثيث]

قصيدة للأمير الشاعر / طلال الرشيد رحمه الله


قال حاقد قلت يا جاهل هلي **** كيف أبطرف بأصبعي عيني وأصيح
أنت مثل إبليس حقّرك الولي **** لا تسر ولا تريح وتستريح
من يصدق بي وأنا الشمس اعملي **** ما يذريها عجاج ٍ جاب ريح
لو يطيعك بي غرير ٍ يجهلي **** ما تطيعك روسهم بي يا كليح
هم هلي يا جاهل وهم منهلي **** لو تضيع ألقى بهم كونٍ فسيح
عودهم له طاعةٍ واجب علي **** شيخنا اللي ما يوفيه المديح
ما سفهت من العقول إلا الخلي **** وما حقرت من الكلام إلا النبيح
الصباخي ما تربع بالولي **** والردي للطيب جحادٍ شحيح
والعتب لا بد يومٍ ينجلي **** واسود النية يجي يوم ويطيح
الردى بعد السما عن مذهلي **** ما تعلمت اجزي الطيب بقبيح
شمت عنك أبي المراجل منزلي **** وفي ضلوعي شايبٍ عيا يبيح
معتلي بالشعر هو بي يعتلي **** دام ميزاني بحسادي رجيح
لا تصدق في حصانك يا جملي **** كنت أنا وما زلت وابطي لك نصيح
ما عرفت الغي وأخفيت اجهلي **** علموني مستبيحين المريح
لو تبين قلت خلو ذاك لي **** بس دامك كالنسا ما لي نطيح
قل ما دام انا بكذبك مبتلي **** كل كذبن دام اهو فيني صحيح
ما اخبر من الذنوب إلا هلي **** ذنبي اللي يرفع الرأس الفليح

اتمنى ترقى لمستوى الذائقة

تحيتي

[أدوبي]

الأخ الغالي
ابوغثيث حياك ربي وبياااك
نقلكـ هو بالفعل رائع كـ روعة أختيارك
تسلم أناملك ... ويسلمكـ ربي

[مرمر زماني]

منذ متى تقطف الورود ..
ويبقى شذاها ..
ويظل الرونق يعبق في مداها ..
مازلت أمامك ..
أستمتع بعبير كلماتك المنقوله

مرمر

[مجازف]

قال حاقد قلت يا جاهل هلي **** كيف أبطرف بأصبعي عيني وأصيح


اخوي ابو غثيث

نقل رائع لقصيده اروع

رحم الله الأمير الشاعر طلال الرشـــــــيد (ابو نواف)



لك مني أرق تحيه

مجازف

[ابو غثيث]

ادوبي !!

مرمر زماني !!

مجازف !!

شاكر لكم مروركم والحضور

تحيتي لكم ولتعليقكم

[قاصد]

ابوغثيث حياك ربي وبياااك
نقلكـ هو بالفعل رائع كـ روعة أختيارك
تسلم أناملك ... ويسلمكـ ربي

[ابو غثيث]

قاصد !!

تسلم يالغالي على المرور

ومشكور على كلامك الطيب

تحيتي